ILP Paz-Andrade pola promoçom do português admitida unanimemente no Parlamento da Galiza

15 maio 2013, Diário Liberdade http://www.diarioliberdade.org (Galiza)

Apoiada por mais de 17.000 assinaturas o texto quer dar mais peso à língua galego-portuguesa na Galiza

Foto: ILP Valentim Paz-Andrade - Comissom promotora entrega as assinaturas da ILP.

Numha jornada que (o tempo dirá) poderá ser histórica para o galego-português, o reintegracionismo consegue introduzir no institucionalismo umha parte das teses defendidas ao longo de dúzias de anos. Com o apoio de AGE, BNG, PSOE e mesmo dos ultraespanholistas do PP a ILP Valentín Paz-Andrade foi admitida ontem (14/05) polo parlamento semi-autónomo galego.

A ILP, que nos últimos meses foi promovida por toda a Galiza por umha comissom promotora composta por um largo grupo de pessoas de diferentes ámbitos (filologia, empresariado, política, etc. ...), conseguiu o apoio de 17.000 pessoas, e promove três artigos numha única disposiçom:

·         Artigo 1. O Governo galego incorporará progressivamente, no prazo de quatro anos, a aprendizagem da língua portuguesa em todos os níveis de ensino regrado. O domínio do português terá especial reconhecimento para o acesso à função pública e concursos de méritos.

·         Artigo 2. O relacionamento a todos os níveis com os países de língua oficial portuguesa constituirá um objetivo estratégico do Governo galego. De maneira especial fomentar-se-á a participação das instituições em foros lusófonos de todo o tipo —económico, cultural, ambiental, desportivo, etc.—, bem como a organização na Comunidade Autónoma Galega de eventos com presença de entidades e pessoas de territórios que tenham o português como língua oficial.

·         Artigo 3. Para um melhor cumprimento dos fins dos artigos anteriores, e conforme a Carta Europeia das Línguas e a Diretiva 89/552/CEE, o Governo galego tomará quantas medidas forem necessárias para lograr a recepção aberta em território galego das televisões e rádios portuguesas mediante Televisão Digital Terrestre.

"No atual mundo globalizado, os organismos galegos, comprometidos com o aproveitamento das potencialidades da Galiza, devem valorizar o galego como uma língua com utilidade internacional", tal como explica o texto na exposiçom de motivos. Destaca, ainda que "o português, nascido na velha Gallaecia, é idioma de trabalho de vinte organizações internacionais, incluída a UE, assim como língua oficial de nove países e do território de Macau, na China. Entre eles figuram potências económicas como o Brasil e outras economias emergentes. É ainda a língua mais falada no conjunto do Hemisfério Sul".

Assim, segundo o texto aprovado ontem no Hórreo, "para a melhora do desenvolvimento social, económico e cultural galego, as autoridades devem promover quantas medidas forem necessárias para melhor valorizar esta vantagem, especialmente em momentos de crise".

Numerosos coletivos do reintegracionismo de base dérom o seu apoio público à iniciativa, que agora deverá ser debatida e redigida em comisso, para a sua entrada eventual aprovaçom e entrada em vigor. A admissom da ILP tem despertado interesse em todo o mundo lusófono, especialmente no vizinho Portugal.

Partido Popular apoia a ILP

Sem dúvida, um dos elementos mais rechamantes foi o apoio do ultraespanholista e ultradireitista Partido Popular (PP) à ILP. Aliás, sem o seu apoio, o texto teria sido irremediavelmente chumbado, ao dispor este partido da maioria absoluta na cámara autónoma. Porém, desta vez os 'ultras' chegárom mesmo a dizer que esta ILP supunha salvar "umha eiva de 30 anos de autonomia".

O optimismo e bom acolhimento do PP é mais fácil de entender do ponto de vista económico-empresarial que de umha súbita iluminaçom filológica ou o surgimento de potentes sentimentos de amor polo galego, os quais nunca fôrom património dos autoproclamados populares.

Essa visom economica foi também recolhida na ILP, em cuja exposiçom de motivos dizia que "é preciso que as nossas empresas e organismos públicos aproveitem a nossa vantagem linguística, um valor que evidencia a importância mundial da Língua e o crescente papel de blocos como a Comunidade dos Países de Língua Portuguesa".

Ainda, lembrava a evidência de que "a nossa língua outorga uma valiosa vantagem competitiva à cidadania galega em todas as vertentes, nomeadamente a económica, desde que disponhamos dos elementos formativos e comunicativos para nos desenvolver com naturalidade no seu modelo internacional".

Seja como for, ontem as teses reintegracionistas, que defendem a integraçom do galego no seu quadro natural, dérom um mais um importante passo.

O texto da ILP Valentim Paz-Andrade pode ser consultado na íntegra aqui.

Outra ILP rejeitada

O PP sim fijo valer a sua maioria para barrar umha outra ILP no dia de ontem, a dos 3R no tratamento de resíduos, um de cujos objetivos era exigir um tratamento racional do lixo na Galiza e a priorizaçom doutros métodos alternativos à incineraçom. AGE, BNG e PSOE sim apoiárom o texto, enquanto PP deixou claro que a sua aposta é na incineraçom do lixo, e nom no seu aproveitamento.