2 agosto 2011/Galiza Livre http://www.galizalivre.org
Redacçom/ O primeiro dos julgamentos relacionados com a defesa da língua concluiu com a absolviçom do militante independentista Aurélio Lopes e a condena a um ano de cadeia a J. M. Prado "Iussa", dous jovens de Vigo para que a fiscalia solicitava três e cinco anos de prisom.
As brigas do bilingüísmo
Os factos julgados remontam-se ao 20 de Fevereiro de 2008, data em que a organizaçom anti-galega Galicia Bilingüe convocara um ato num local cêntrico de Vigo. Atendendo à resposta de múltiplas organizaçons defensoras do galego, várias dúzias de pessoas plantáram-se perante a porta do local para exprimir a sua rejeiçom a um grupo que estava a pressionar com muita eficácia aos políticos e meios de comunicaçom no sentido de desacreditar a normalizaçom lingüística e a promoçom da língua nacional. As agressons contínuas, que naquela altura recebiam todo o eco mediático, da dirigente Gloria Lago contribuiram a criar um estado de tensom social a respeito desta matéria, o que explica o contexto em que se dérom estes factos. A concentraçom foi dissolvida pola polícia espanhola por meio de umha carga policial indiscriminada que provocou feridos, e durante a qual os uniformados detivérom Aurélio e Iussa. O próprios agentes reconhecêrom posteriormente que estes dous moços "eram conhecidos (da polícia) polo seu ativismo político", o que indica que se tratou de umhas detençons políticas alheias a qualquer delito concreto.
Contradiçons policiais
A sentença nom considera acreditada a autoria de Aurélio de umha lesom que afirmou sofrer um dos agentes policiais, entre outras cousas porque no juízo os polícias contradigérom-se entre si. Porém, sim condena a Iussa por um delito de atentado em concurso com um delito de desordens e umha falta de lesons, polo que lhe impom um ano de prisom. A sentença será apelada, segundo informam do organismo anti-repressivo Ceivar.
Restam dous julgamentos
Segundo avisam de Ceivar, ainda faltam por se celebrar dous julgamentos mais relacionados com a luita contra Galicia Bilingüe, processos em que estám imputadas quinze pessoas para os que a fiscalia pede condenaçons que sumam quarenta e dous anos de prisom. "Como Povo nom podemos ficar de braços quedos ante esta desorbitada agressom à nossa língua e aos nossos e nossas compatriotas", proclamam os porta-vozes do coletivo solidário.
------------------------ Recomendamos
A Galiza entra na Comunidade de Países de Língua Portuguesa graças à AGLP
23 julio 2011/Galiza Livre http://www.galizalivre.org
Redacçom/ Hoje é um dia histórico para a nossa língua, a Academia Galega da Língua Portuguesa vem de informar de que a XVI Reuniom Ordinária do Conselho de Ministros da CPLP, celebrada em 22 de julho, vem de aceitar a categoria de Observador Consultivo à AGLP em representaçom da Galiza; trata-se de umha grande vitória o reintegracionismo numha das suas reivindicaçons históricas.
A candidatura galega da AGLP foi defendida polo Governo da República de Angola, país que exerce a presidência da CPLP nestes momentos. AGLP recebeu o apoio unânime dos oito estados integrantes, Angola, Brasil, Cabo Verde, Guiné Bissau, Moçambique, Portugal, São Tomé e Príncipe e Timor Lorosae.
Da Academia Galega da Língua Portuguesa sinalam que “A decisão ora adotada é duplamente significativa, por ser a primeira entidade observadora de um país não integrado na sua estrutura, e por tratar-se de uma academia da língua, reconhecendo de facto a Galiza como território de língua portuguesa. Este apoio internacional reforça o protagonismo do processo de reintegração linguística galega, que nas últimas décadas vem recebendo um crescente apoio social, podendo converter-se num instrumento importante no processo de recuperação da língua da Galiza, que vem sendo defendida pela sociedade civil articulada num amplo e variado leque de associações e instituições culturais e educativas”.
Com esta medida dá-se um passo importantíssimo no reconhecimento internacional do conflito lingüístico da Galiza, e da sua condiçom de língua inter-nacional. É também um primeiro passo para que a Galiza poda pertencer à CPLP com um maior estatuto, como seria o de Observador Associado, e o de membro de pleno direito. Compre destacar também que é a primeira vez que a CPLP reconhece o estatuto de Observador Consultivo a umha entidade nom sediada num dos Estados-membros.
Mais informaçom:
-Notícia na web da AGLP: http://www.academiagalega.org/info-atualidade/academia-galega-da-lingua-portuguesa-consegue-estatuto-de-observador-consultivo-na-comunidade-de-paises-de-lingua-portuguesa.html
Nenhum comentário:
Postar um comentário