Timor-Leste/Mari Alkatiri sei simu pose iha loron-kuarta nu’udar prezidente Rejiaun Administrativa Espesiál Oekusi

28 de Julho de 2014, 16:27, Sapo.TLhttp://noticias.sapo.tl/tetum (Timor-Leste)

Primeiru-ministru tuan Timor-Leste Mari Alkatiri simu pose iha loron-kuarta nu’udar prezidente Autoridade Rejiaun Administrativa Espesiá Oekusi, fó sai iha komunikadu ohin ninian ba imprensa Prezidénsia timoroan.

Tuir komunikadu katak, Mari Alkatiri, mós nu’udar sekretáriu-jerál  husi Frente Revolucionária do Timor-Leste Independente (Fretilin, úniku partidu maka sai opozisaun iha parlamentu timoroan nian), nomea ona iha loron-sesta liu ba husi dekretu prezidensiál nian.

"Serimónia simu pose ne’e marka ona ba

30 jullu (kuarta-feira)", hatutan komunikadu refere.

Iha fulan-abril, governu Timor-Leste aprova proposta lei ida ba kriasaun Rejiaun Administrativa Espesiál Oekusi, maka seiimplementa projetu husi Zona Espesiál Ekonomia Sosiál Merkadu, maka lidera husi primeiru-ministru timoroan tuan no nu’udar mós sekretáriu-jerál Frente Revolucionária do Timor-Leste Independente (Fretilin), Mari Alkatiri.

Zona Espesiál Ekonomia Sosiál Merkadu hakarak insentiva dezenvolvimentu rejionál 
maka integra liuhosi hamosu zona estratéjika nasionál sira ne’ebé atrativa ba investidór nasionál no estranjeiru sira.

Objetivu maka hasai Oekusi nu’udar estatutu enklave no hanaran fali estatutu rai dezenvolvimentu nasionál, sub-rejionál no rejionál, Ataúro maka, sai hanesan ámbitu rai ne’e nian, halai liu ba turizmu integradu.

Iha ámbitu kria rejiaun refere, primeiru-ministru timoroan, Xanana Gusmão, no Mari Alkatiri hala’o iha fulan-abril vizita serbisu nian ida ba Oekusi hodi hala’o sorumutu ho autoridade tradisionál sira, relijioza no distritál sira hodi esplika projetu, ne’ebé inklui harii infraestrutura sira, maka hanesan aeroportu, estrada no ponte sira. (Sapo TL ho Lusa)